【Future Balance Portfolio】未來平衡組合的建構

其實上一篇文章，大家可睇成為後篇，啊壽今日想同大家講一下整個未來平衡組合的構成：

其實都會以ETF + 部分股票建構組合

啊壽預期分佈如下

中概股 30%

其實大家睇左上面個分配可能會有疑問，為何中概股仍然佔30% ，目前中國仍然有政策風險，按理應該買入美股放棄美股，你睇下中教育股基本上都completely write-off 已經是前車可鑒，何必浪費機會成本.......

當然這都有想過，但如果沒有政策風險基本上亦沒有上呢類的discount price 出現，因此買入中概股某程度上是不想放棄中國潛在成長，而且啊壽並不是買入KWEB ,只是選取國內3 大股票

TCEHY

MPNGY

BABA

當然上述3隻股票，先會以TCEHY 持有份額最多，其次是 MPNGY ,BABA ,對政策風險有顧慮下，持有的百分比會嚴守+ - 30% 左右

美國科技股 30%

呢個就真係想make it simple ，暫時以QQQ作為一個底部，之後隨著Portfolio Size 增大後增添其他科技股票，我都知道係貴左小小，無法子而家先開倉，希望趁公佈業績miss expectation 時候買入小小，再觀察。

其餘各20% 是支付類型 及 網絡安全

IPAY (Prime Mobile Payments ETF)

基本上都已經囊括所有支付平台，加上這幾類外國支付供司受政策影響相對較小（你明啦，我唔多講），起碼你持有會比持有單支股票來的更有耐性。

題外話，啊壽曾在幾年前推薦過PYPL (Paypal) 比母親大人，當時都只係50多，基本上好放心可以持有，但估唔到近期，母親大人說60已經沽出......

可見基本上都你要好好持有一個標的，前提係你要好好認識該標的才可以坐得遠

唔認知，就算係固網都只能坐到上升浪“一兩個站” 就會自己下車，實在後悔莫及。

CIBR（First Trust NASDAQ Cybersecurity ETF）

選擇網絡安全主要都離不開整個大環境改變，市面上有兩隻ETF 除了CIBR外還有一隻IHAK，IHAK 暫時都不在選擇之列，基本上表現跟不上，雖然Expense ratio 比起CIBR 為低， 但既然相差不大就唔無謂麻煩。

總結：

其實，啊壽這樣的組合配置，可能大家都會覺得非常容易，的確這個組合我自己應用在自己的組合上，是簡單但對於啊壽而言可以空出一D時間做自己的事情，畢竟Final Project在即，這個方法相對比較適合啊壽這類懶人。

• 先決定好未來的主題
• 比對該主題表現較好的ETF
• 按比例放到自己的組合內

在參考過其他進取的blogger 啊壽希望在中間落墨，這樣做不單是平衡風險，最主要是平衡自己的心理承受能力，無可避免波動一定會比起固定收益時候為大，但基本上都會摒除之前固定收益操作及心態。

組合會以季度Rebalancing 一次，並且將會成為恆常組合，但前提組合將不會超過固定收益組合。

文章亦刊登在StockViva