• About Ar Shou Invest Planet

    一名80後的散戶,2019年開始寫部落格,初期熱衷集中在香港細價股,投機買賣,即日鮮,衍生工具及投資低估值的雪茄屁股股票。市場環境多變,其後投資於其他外國成熟市場..............

  • Ar Shou Investment Philosophy

    專注固定收益收益 及全天候投資組合操作.固定收益:投資工具主要覆蓋世界各地尋找機會.....

  • Ar Shou Investment Portfolio Review

    定期將不同組合更新

  • Ar Shou Investment Note

    記錄啊壽的交易活動,股息/利息發放,股票研究及債權研究分享

  • Ar Shou Investment Class

    啊壽將不同投資知識按題材分類讓大家在家學習

2022年6月26日 星期日

【Portfolio Review】2022年半年結(序)

 基本上行固定收益組合都有2年,當然其實中間都會猶豫,尤其會見到其他Group 友都會尤其他投資方法,其中Group友Eric兄期權投資,真係非常厲害,亦會分享投資期權心得(當然真係要訓練一下自己心臟)。

然而,現金流組合帶給我都係相對的自由(換句說話講係懶),但係組合能夠讓我Free 出黎既時間,其實我係想將自己投資上技巧會有進一步提升,其實開左TG 群組後,Group友互相分享下,自己都希望係技能上能夠有所提升。

之前都會睇財報,主要都睇公司債還錢schedule,同時會留意公司能否產生可持續現金流,足以還到清債務,因此之前買入標的多為債券,ETD  但之後經歷過2020年對flip形式下跌,基本上清走手上不少ETD,債券則繼續持有

ETD 組合:

我已經減左好多,目前ETD佔組合已經高峰時期85.2%,大減至目前17.2%,可以減既都減走,而當時的我基本同大家想法都一樣,認為持有香港股票基本上都無前途(特別係某個時段),最有印象當時我最想沽出就係匯豐控股(0005.HK),之後就係和記電訊(00215.HK),越秀房托(00405.HK)。
現金流組合能夠給予的時間,就係可以比我可以有多點時間研究一間公司,因為之前睇年報可以講都係部分自己想睇既內容,如之前提及過的債券還錢時間,現金流表等。

重新pick up睇公司年報,其實都受到數簿兄影響到(哈哈,未開patron都未有興趣,反而開左就好有興趣)先謝謝數簿啟蒙🙏。

未開始深入去睇年報之前,自己都會覺得,抄功課最好啦得閒抄下,點解要浪費時間,人睇消化完再去跟,快捷!

其實我都會明白點解而家市面上所謂既股平人 🍷 酒人,牛油果人 用PE 之類既標準評一隻股票平定貴,而呢類評估係快,大家都覺得係共同語言,聽得明白,因此受眾會多,尤其係當受眾聽到後買入,真係上升,就一定覺得對方係神一般的存在。

圖表一樣,因為大家都可以將冷冰冰的數字圖像化,而且大家覺得所謂的支持位,阻力位都是容易理解,相對基礎分析/理解花費時間當然少好多,任何人都可以睇得到,而閣下亦無需要知道你正在買既係咩公司/加密貨幣 等等,而當然人係會先接受圖像先過數字以至文字(看看年報幾百頁紙,真係邊有甘多時間) 


在此基礎下,人為節省時間,文字漸漸變得沒有價值,寫blog搵圖時候,見到一篇報道更提及到,寫3000字只有$20 ,其實都無需要特登去搵,呢D新聞真係隨處可見,所以你會見到轉為拍片,速食文化已經越來越普及,一句講嗮”方便“上車就聽到/睇到。

講遠左,翻番黎

其實今次加息週期(長),其實某程度上提供左一個買入自己期待已久的公司,不論股票還是債券,基本上會放多點時間閱讀年報(係睇得慢D,比D時間)

當然加息期間會繼續沽出yield 相對地低既股票/債券,大家都會見到IB 都不斷加息






基本上如果大家仍然係賺息差,基本上空間已經越來越小,如果純粹買入債券收息,當然係可以,畢竟加息受傷既都係債券為主(股票當然都會有) 。如果真係係懶到不行既,就真係買債會相對較好,但啊壽自己會選取買入心儀股票會更吸引,畢竟之前低成本資金及加上非常多人熱捧某類股票,價格都已經上升不小。

因此,呢段時間經量會先股後債 , 呢段時間睇年報,唔知大家會唔會同我有同一個感覺,一路睇一路認識到小許該行業既知識,其實係有小許沉迷,會想睇下上一年或下一年年報究竟有無講過,係好左定係壞左,好似睇緊故事書,幾有趣。

由於我剛剛pick up 翻,我經量會將自己功課放係discord 先,因為未夠膽放出黎,都係比自己/ 相熟既group友作為參考,但肯定既係,會盡能力搵多D 客觀資料,對多幾次先放上去,畢竟我自己都係羅呢個價格作為買入參考。

其實都有TG group友問點解你估值好似甘悲觀(因為我預測係負增長/零增長下做預算),自己會覺得還是保守D好,因為預算甘好,如果不似預期則好似做左一個假希望比自己及Group友,因為好老實甘講,既然啊資料係比group 友睇,小心D 保守D好。

今次又講太多,好似講小左組合,希望下一次可已講多小小。

Share:

2022年6月19日 星期日

【Stock Research】一隻高息股推薦

 有Group 有提醒我,上一篇講亞太衛星,點樣可以更吸睛

上一次我都漏左講,亞太衛星係高息股,高息股,高息股。有幾高按執筆是計算約11.61%dividend yield.

好sound bit 講完,繼續上一次資料梳理

上一篇文章:【Portfolio Review】將會新增一隻港股作核心持有

Recap:

  1. 亞太衛星狀似香港公司,但其實係國資委旗下子公司,受著國家支持
  2. 領導優勢,亞太衛星業務覆蓋全世界75%人口
  3. 亞太衛星旗下衛星資產既可以覆蓋廣泛地面之餘,亦可以進行高速,高容量數據傳輸
今日繼續

  • 今時今日衛星市場發展前景仲有? 對比當年 亞太衛星預期有幾多係符合到?

亞太衛星於2002年主席報告

當時對業務環境描述如下:

    由於去年下半年外圍地區經濟不景,對亞太地區廣播業務及電訊業務有顯著的負面影

響。區內包括中國市場轉發器需求更形疲弱。比去年上半年,下半年市場競爭更為激

烈,租金價格下調壓力更大。

當時亞太衛星已經意識到業務收入出現壓力,因此當年已經改變策略,以客戶未重心

簡單用以下幾點概括當時改革

  • 廣播業務:
    對外:提供廣播服務;對內設立亞太衛視頻廣播平台(目前仍有運作即係目前亞太第一衛視One TV),提高使用量 (你有無睇過?)

  • 亞太電訊:
    對外:將自身衛星通訊提供電訊服務 及 互聯網數據交換服務 及 數據中心 及 寬頻上網。


當其時總裁對業務展望:

由於預期今年的外圍經濟仍未能有明顯復甦,故此預計亞太地區在廣播及電訊業務的 發展仍然相當呆滯,導致市場競爭仍然相當激烈,邊際利潤進一步受到壓逼,未來一 年將會是非常具挑戰性的一年。 

究竟主席講呆滯,究竟係一個點樣概念

嘗試給一段當時視頻質素



而當時的上網速度係:


大家應該記得係當時候中係電話撥號連線,當其時全世界用家都係得5億人使用互聯網,當時預期10年後 2012年會增長至20多億人使用,當然而家遠遠超過呢個數字

以前網站都唔多個,因此都見到大家一日只會上40幾分鐘,仲要有大部分時間都係等待,因為大家都會用緊同一條電話線,連到線已經非常幸運,上到網絕對值得慶祝。



電視質素勉強都可以接受到,同時當時電視質素亦未去到今時今日有QLED精緻畫質,上網速度就更加趕客,基本上不能誘使內容提供者設立網站或推進互聯網發展。

查翻當年2002年經濟,失業率高達7.4% 經濟亦放緩,要發展衛星通訊基本上處於逆流,當其時主席都有補充講到,由於經濟大環境向下,當時衛星通信競爭激烈,為左可以誘使有線用戶轉投衛星市場(無論電視及網絡服務),因為要進入一個行業,最快就係用價格戰,讓普羅大眾嘗試衛星傳輸好處,情況有如當年香港報紙業價格戰。

背靠祖國是否一定有錢途?



當時的亞太衛星都會列出自己收入分佈圖,2002年倚重中國內地市場高達75%,以為背靠祖國一定賺,但實際上非常微利,2003 年更虧損2千多萬,轉發器需求基本上唔高,負債重要係年年上升。

中心移離國內業務



面對住年年上升的債務,亞太衛星如何是好?

衛星生意直至到2008年才迎來轉變,根據2008年年報中提及,負債重大減少,同年更出現久違的盈利,但提提大家該年正正是金融風暴的一年,當然長期股民一定會意識到,突然大幅度減債及有盈利,一定係出現出售行為。

的確2008年亞太衛星全數出售亞太電訊,附屬公司亞太東方,以及出售轉發器帶來一次性收益,但呢類消息,並非對股東全然係好消息,因為著重現金流的股東,最希望能夠出現有系統性收入,產生recurring income 。

由2002年開始,亞太衛星已經決心走出去,將國內轉移到海外,2008年迎來盈利,2009年更開始搵到自己路向。

當年2010年年報中提到

本集團之在軌之亞太衛星及其地面衛星測控系統均運行良好,持續為本集團,之客戶提供穩定,可靠的優質服務,亞太衛星在軌之亞太2R,亞太6號和亞太5號衛星分別定點於東經76.5度,東經134度和東經138度軌道位置,構成了覆蓋亞洲、澳洲、、中東、非洲和歐洲的超強衛星服務能力,是亞太地區最重要的衛星資源



亞太5號及6號衛星,基本上斷定做日後發展藍圖,可以講屬於集團轉捩點,而且多年轉移收入市場至海外終於初見成效。如前文大家都對頻段未有太大概念,上圖可以讓大家了解到,C頻及及Ku頻的分別。

當然發展衛星伴隨住都係相關既財務成本,以亞太5號6號衛星為例,每次射衛星上去都會生相關財務成本,亞太衛星5號及6號 分別在2004年及2005年發射, 睇翻2009年年報,亞太衛星3-4年已經可以還清當年這個顆衛星借貸。

然而,亞太衛星5號計6號 兩顆衛星成本為4億3千萬港元,換句話說講
  • 4年 發展期,8年收成期-2009年打和後,到2016年已經可以淨袋(2016年 的亞太5C及6C 為進化版,代替亞太5 號6號繼續服務)
亞太5C 及 6C 進一步穩定其客戶,帶動正個集團產生穩定收入,這一點亦印證了多年改革之路正確,由高負債公司,都轉虧為盈,由國內賺到海外,而前成為這幾年高派息股票之一。 

但究竟稱霸之路是否仍然暢通無阻,由于篇幅所限只能下次繼續。


上述文章亦刊登在StockViva



Share:

2022年6月14日 星期二

【Portfolio Review】將會新增一隻港股作核心持有

其實今個星期都有幾樣事項想同大家分享,但係最終都係想先分享一下目前組合概況,目前組合基本上都已經相對之前平均分佈不同投資上,之前提及過減持ETD 過程已經完成。 當然如果再平均點會較好,期望按地區劃分每個地方為25% 

今日特別想講香港部分,因為真係有太多人睇唔好香港,雖然我之前都係,但係有公司的確係可以悶聲發財,壟斷地位難以代替。

首先,想感謝係TG Group 友聚會,我會發現相對起來,Group 友對內地及香港公司喜愛程度比我還要高,對於公司動態比我看得更細膩。

我以為自己買入728 中電信已經屬於非常愛國表現,原來其他更買入941,762,集齊全套內地3大龍頭,當然3大電訊股的確越做越好,公司透明度,派息政策基本上都能取悅到股東,啊壽自己都密切留意941 中移動買入位置,但目前仍然未到我認為非常吸引水平,惟有等下。

反而,睇中國電訊股市場下,Group 友更推薦另一隻滄海遺珠。啊壽真係無想過會買,但都認唔住買左先研究。因為粗略計算過都非常吸引。

帶定頭盔,此文章並非股票推薦,任何投資前請自行衡量風險。

今日梳理公司資料係 亞太衛星(1045.HK)


集團主要業務包括持有、經營、提供衛星轉發器容量及相關服務、衛星廣播及電訊服務及其他服務。

講完,係在股票網站上就只有一點

但係當係百度搜尋中國衛星網絡集團你就會見到更多資料,睇翻百度新聞,中國衛星網絡集團數與國務院組建,按國務院排序 中電信(排23)中聯通(排24)中移動(排25) 中國衛星集團(排26)當然你都可以講其實都係巧合,但係某程度上係感覺到重視程度。

領導優勢

之前中國衛星網絡集團(前稱中國衛通)招股書上寫到亞太衛星在業務覆蓋境內及海外,百分比為63%及37%,目前操作五顆在軌衛星,包括亞太7號、亞太9號、亞太5C、亞太6C以及亞太6D衛星,覆蓋包括亞洲、歐洲、非洲、大洋洲和太平洋島國等地區的約佔世界75%的人口。

如之前大家有玩開細價股應該都會有點印象,之前有一只類似衛星股亞洲衛星,但其控股股東為中信及凱雷但只佔市場份額大約百分之二十代理。細心一看,中國衛通總營運衛星數量為16顆衛星,亞太已經佔當中1/3,可見屬於核心子公司。

其實中國對太空重視程度一直非常之高,你見國際太空站基本上並不接受中國一份,因此中國才會發展成航天科技集團,自主研發中國太空站。如大家想了解中國重視程度,可以參考以下Mingjai 影片:


係講解衛星質素前大家先了解一下

亞太手上究竟持有何等質素衛星

之前有提及過手上持有亞太7號、亞太9號、亞太5C、亞太6C以及亞太6D衛星,但其實轉發器先可以將信號發出,但係轉發器點樣分? 先簡單說明一下

大致上衛星轉發器分為15類波段,今日先講頭3個波段 C ; Ku ; Ka

另外要注意既係,不同波段轉發器,都回受到不同情況的影響,大家可以藉此判斷質素如何

係判斷之前,大家需要認識一個名詞:雨衰

雨衰意思指衛星電波往返大氣層氣體(如:雨,雪,霧,雲等)都會收到一定影響,如果當中有烏雲、落雨會影響到信號接受量,這個情況稱謂雨衰。如果雨帶,雲層相對地後則會大大影響不同波段衛星信號的穿透力。

以下是不同波段特征與對雨衰的反應
  • C波段:屬於商用衛星minimum requirement ,涵蓋範圍廣,但信號較弱。對地的接收天線需要大型天線,亦容易受到雷達既微博干擾。

  • Ku波段:屬於區域廣播,涵蓋範圍比較集中,由於高頻段,因此信號較強。對地的接收天線可以用小型天線,同時有強抗雷達及微波干擾,但同樣頻率高容易受到雨衰影響.

  • Ka波段:不僅是商業上使用,同時可用在船載,車載,即時串流等各方面,應用層面廣,而且相對C及Ku 波段速度較快,具高抗干擾能力,但同樣因為高頻段,信號會較受雨衰影響。
當中亞太5C 及 6C 衛星分別帶有”5C->15個C波段轉發器及21.2個Ku 波段轉發器" 6C”26個C波段及19個Ku/Ka 波段,兩個衛星配備兩種不同波段轉發器互補不足

而最新6D衛星中,更加係中國目前第一個高信息吞吐量衛星,可以接納Ku/Ka 波段高速傳輸,
意即刻意為船載,車載,即時串流等各方面提供高速數據傳送。


由於今次文章都偏長,啊壽會再稍後時間再同大家分享~~
上述文章亦刊登在StockViva






Share:

2022年6月4日 星期六

啊壽固定收益同學會第一次實體聚會

感激 Group 友 

今日真係好想同大家分享同學會飯局,第一見到大家好想記低呢個moment

非常感激Group 友搞左一個甘好甘正既飯局,席間有好多唔同既朋友出席

之前網聚都有講過幾時可以一齊見下面,在此非常感謝資息兄帶頭搞當晚飯局,大家雖然第一次見面,但係完全無陌生既感覺。

席間基本上大家係無所不談,不單係分享投資技巧,而且更分享到個人持倉狀況。

我亦非常感恩,大家在群組內有不同投資風格的人而且能互相包容,有投機的,有長線投資,有現金流打法的。

不單投資話題,而家亦會講到大家自身工作見聞,生活上的體會,對時事,以至身邊的朋友移民現況。

其實我都怕出到黎大家無野講,但估唔到我地講東講西,閒話家常,過左一個愉快既晚上

都係個句  CC 真係好靚仔~

及時行樂


第一次聽呢首歌係Rubberband 演唱會,唔太多畫面係腦海中,但出黎前一日唔覺意開到呢首歌,我感觸,不其然流淚。

我好喜歡歌詞其中一部分:

再見不要計時間

活著去抵抗 世界荒誕

這刻我們在一起 笑喊悲喜

巨浪翻起 亦是在一起

聽朝散聚誰先飛 未及嘆氣

細緻收起 曾同行一起的美

懇請每天 好好地過安定還是冒險

好好掛牽 來日後見

我唔知道是否身邊有D朋友,同事閒聊時候都會提到呢個話題,有D更將閒聊化為執行計劃,為子女走去英國,加拿大,未走既開始報讀課程充實自己。

再型既就會係社交媒體睇到對方post英國相,message溝通先知道過左去英國移民,心情上都算複雜,當然會"凳"朋友開心有新生活,但同時會慨歎點解唔講再見就走。

我會唔會都係個種不辭而別呢?

人大了,認識朋友能力反而細左

唔係唔想,但係時間唔多。

同意Group 友GA提到一點係大家自出身工作,有自己家庭,孩子,餘下自己的時間(me time)真係唔多,心好想認識下新朋友但係又會有幾多時間呢~

其實我自己都會有一下閃過出黎好唔好呢,但係資息兄講到一句係

"認識我們的新朋友"

似遠還近的一句,完全將猶豫消除,一定要出黎見下大家,咫尺之遙,每日文字信息對方原來我們已經不自覺地對對方認識加深,有時候你呢一刻唔見,其實唔係話之後可以見面,有時候大家可能為自己前程,子女教育或生活方式各奔他方,到想聚時,又未必有人,還是及時行樂吧~

欣賞大家為將來而努力

當初開blog開TG Group 其實都係出於貪玩,記錄一下自己交易過程,估唔到我認識到唔同既朋友,有幾位group友經歷讓我想起一套我仍有睇TBB的電視劇


詳細既我就係呢度多講,但係你地既努力向上個種心態非常值得我佩服。

各人都有不同經歷係大家身上獲益良多,非常欣賞大家用盡唔同方法,去達至財務自由/將主動收入轉化成被動收入,基本各種形式都有(我都要追翻post 先得)。

說了再見 約定再見 

說了再見 約定再見

說了再見 約定再見

就會再見

期待下一次聚會,無論係線上、線下

如果大家想join 我地之後既活動可以Like and Follow 啊壽的投資星球Fanpage and Follow blog

https://www.facebook.com/arshouinvest

https://www.blogger.com/follow.g?view=FOLLOW&blogID=8614186069350452446


上述文章亦刊登在StockViva




Share:

Bond Submission

  1. FollowSubscribe 啊壽的投資星球
  2. 按此觀看活動詳情
⌛債券共享資料表發佈時間
  • 本月(29/12)已經發出給主動分享者
  • 新共享表於下月(29/1)發給主動分享者

Website traffic

Market Data

Follower

Ar shou investment planet Facebook

Remote Control

Popular Topic

RECENT COMMENT

Side Ad