• About Ar Shou Invest Planet

    一名80後的散戶,2019年開始寫部落格,初期熱衷集中在香港細價股,投機買賣,即日鮮,衍生工具及投資低估值的雪茄屁股股票。市場環境多變,其後投資於其他外國成熟市場..............

  • Ar Shou Investment Philosophy

    專注固定收益收益 及全天候投資組合操作.固定收益:投資工具主要覆蓋世界各地尋找機會.....

  • Ar Shou Investment Portfolio Review

    定期將不同組合更新

  • Ar Shou Investment Note

    記錄啊壽的交易活動,股息/利息發放,股票研究及債權研究分享

  • Ar Shou Investment Class

    啊壽將不同投資知識按題材分類讓大家在家學習

2022年5月22日 星期日

【投資行為】跌市下我們常犯的錯誤



其實跌市好多投資者都會犯上唔同事情

以我以我個人為例,我個人有幾個情況下都係因為FOMO 所導致

1)壞習慣一:跌咁多唔係唔買啊

通常見現價相比起當時買入價低都會忍唔住想買小小,點知買下買下你所用既buffer漸漸變少,浪費你手上資源。

2)壞習慣二:驚錯過升幅

呢類情況,說穿了就係對財務自由既渴求,大家都非常希望儘快可脫離目前工作,想盡方法/自己腦海中都會說服自己,會唔會今次就係機會?

3)壞習慣三:想超越別人既心

大家唔好以為只有,龍龍,漏水長,先會有咁既情況,其實我同你都會有,只係多與少既問題,超越朋輩或跑贏其他人🤔可否認的確會有一份優越感,當然呢份優越感或多或少會形成一份虛榮甚至過分自信,而過分自信更會做成一連串錯誤交易。

4)壞習慣四:朋輩影響

特別係目前投資群組盛行,當然我都有一個”啊壽的投資星球同學會TG group” ,我接下來講的說話有可能令到group友退group。
其實好多時群組提及既股票投資方向,或多或少會影響到投資決定,有人會認為某某買入是絕地地位/呢個時候拒都買應該無死等等。自我FF合理化對方答案,再轉化成自己投資決定,同樣非常累人。

講咁多,係咪想我退群先!

其實,啊壽都係想大家可以有自己批判性思考

同埋我們最大問題就係時間有限,每個人都會對自己感興趣範圍特別擅長,我地正正需要大家互相分享,最大化大家效益。

講番我個人點樣去面對投資上的壞習慣,其實我都係透過觀察盡量避免再次發生。未必每個人都一樣

第一點:

其實最重要係你個人本身對該公司或股票的認識,同時經過計算後,你個人定下的signal 執行時候究竟有幾嚴格。

舉例: 你計算後,公司A 真實價值為 $10, 你自己都有幾個不同條件滿足你投資回報要求如 正常情況下要求回報 10% ,進階12% ,最嚴格 14%  

如你個人認為按目前的環境,一定要最嚴格的情況下我先會買入,就應該嚴格執行。

但有時候眼見就到嚴格水平, 你就會按耐不住調整買入價格,打亂買入節奏。

所以我近期都喜歡李澤鉅講:我最唔鍾意志在必得 

當然,更嚴重的就係啊壽常常提起個位同事,心中無數,純屬個人感覺買入,這就更加危險。

第二點:

典型fomo 心態,相信好多人都希望脫離目前工作,最好唔需要翻office,工作可以帶走就更好,簡單講財務自由就更好唔使返工,但正正呢種心態下導致你買入越來越多股票/債券,操作心底裡覺得”只要我入派到息既標的基本上就拉近財自目標,但當你檢視手上既持倉,就會發覺,點解我手上有咁多奇怪公司。

啊壽當年都有咁既心態,但隨後就會認知到,世界上有點會有咁多好野,成日捕係機前都唔代表你表現比人好。

你可以做的事,其實還後更多~

第三點:

我唔知道大家有唔睇過頭文字D ,文太同拓海講左一句“要贏就唔好有同仁鬥既心”。

先唔講廁所長,龍龍個類blogger,其實如果一跑贏對方就呱呱叫,“好彩我個時買左xx,    我都講左啦,而家回報翻個Double”  

其實相信好多資歷深既網友都聽過上述言論,但更多時候都會來自彩數”技術分析blabla ,穿某個位就要沽出“ 問心你可以取走對方知識實在小之又小。最重要係缺少對市場,對公司將來的睇法。

既然投資,點解唔貪心多小小,自己嘗試學習對方點解可以有這樣計算,應該更好。

第四點:

朋輩影響的確會影響到投資決定,特別係一買入後嘗試過一兩次投資中的甜後,你就開始對呢位“投資專家” 深信不疑,所以有時後你會見到點解大師到呢一刻都仍然係可以係不同平台“演唱” 。
其實投資群組最大作用,係大家有不同觀點,而且可以同時接納,將你喜歡對方的論點放大,有用的歸納自用,同時亦可以將自己學到的分享,對方亦可以將你見不到的盲點提出。

這才是大家聚在一起的價值,世界可以包容對方的空間已經越來越少,接納欣賞,包容多元,才是我們當下需要的。

願,無論大家去到什麼地方都好,彼此聯繫,關懷才是最重要的小事。

上述文章亦刊登在Stockviva



Share:

2022年5月9日 星期一

【Performance】固定收益投資組合持倉披露~

 既然都會 一段時間先再睇下市場,就係呢個時候review下個倉。

其實最大改動係,今次差不多將正個SG 賣走,只係餘下K2LU( current ticker: J91U)及CJLU.

主要係轉買入港股,的確又係港股,其實我經常介乎係港股既狀態係”離開->進場->離開->進場“

買港股做咩!?

上一次係運動事件,之後係疫情措施,每每都影響到當下決定,今次再回來都係一個字"平"

真心講句,就算你唔識計數,唔知fare value ,你遊走一下各個TG 討論group 個個都係放棄港股

轉入美股(當然那想轉入美股既又驚接火棒),但在大前提唔太影響槓桿的情況下,只能將表現比較差既公司換出轉入其他選擇。

當然呢段時間都有見到有不少“收費頻道” 已經叫救命,當然因為重注在Tesla,眷戀 Tencent ,阿里巴巴情況下,加上槓桿運作同時以capital gain 作為操作重心的情況下,抬錢入去救倉實在唔出奇。

但係如果大家仍以現金流運作重心,基本上大家應該都大大減少槓桿比率下,定期有錢買貨。

我而家既調配

以目前組合情況槓桿已經稍稍減少,至1.42

現時最大目標是將槓桿減少至1.35左右

而現在蚊型組合相對穩定地提供到每個月5位數字收入(唔好問我啦,我唔會回覆噶,既然係蚊型,每月收入都好蚊型)。

最近投資組合動向



如文章開頭咁講,基本上買入的都係之前提過既

  1. 1883.HK 中信國際電訊
  2. 331.HK 豐盛生活
  3. 659.HK 新創建
但唔好誤會,我沒有賣走港股,截止3月尾,啊壽都有賣走港股包括:
  1. 2189.HK 嘉濤(香港)控股
  2. 823.HK領展
  3. 435.HK 陽光房地產信託
  4. 778.HK 置富產業信託
  5. 762.HK 中國聯通 
  6. (想賣但未賣走) 中國聯通
另外,都有以實驗性質地買入加拿大split share fund-SSF 
  • LBS.TSE- Life and Banc Split Corp
而英國只係換入保險公司
  • Phnx- 鳳凰控股有限公司
其實每美股反而係我最無預期下買入,因為都有預期自己有一段時間唔睇市,所以我都忙記取消一個設定以久GTC ORDER 無為意的情況下買入CTBB (其實係買錯,忘記cancel GTC order)

暫時固定收益組合分佈如下




上述文章亦刊登在StockViva



Share:

2022年5月2日 星期一

【Blog】現金流投資的末日?



現金流投資的末日? (係咪好有標題黨feel呢👻)

好多人一開始都會覺得,美國加息預期加到3%基本上現金流的Group友 都會覺得,大L鍋啦,之前買落既債一定below par (一般都係低過100),當然我都係現金流投資者,基本上都會擔心加息會否導致現金流組合大幅度減值。

“美國孳息曲線倒掛預視經濟衰退”

大家呢幾日見到呢個標題都會驚經濟衰退,但係點解會經濟衰退呢?

長氣都要大家先講明原理

正常孳息曲線


年期越長息口越高,換句話說,短期息則較長期為低,這個舉動放映投資者,對長期國債需求低,當然出面有更好更高的投資回報又點會買入國債,情況如下圖:


孳息曲線倒掛


即係年期越長息口越低,短期息口高過長期息口,投資者意識到經濟長遠有可能不如衰退,買入國債避險,價格上升,息口下跌,情況如下:


既然有預期,投資者目前有機會會做既係?

 1 先行沽出目前資產等待之後低價買入-
 2 其實目前,大部分人都早期持有股票債券,基本上按賬面數計算已經累計大部分盈利,要沽出基本上無太大考慮,他們亦非常樂意沽出,寧願唔食盡都要沽貨套現,確保之後出現衰退時候,有彈藥低價買入。
 3 啊壽有同事見前排股價就立即買入(當然唔知道什麼事孳息倒掛),當然之後死傷無數,其實大部分人都覺得都係短暫倒掛,買入博反彈,當然好多都事與願違,特別係爬逆水既時候。
 4 要記住的是,孳息倒掛有確實預視經濟衰退,但記住這並不是一兩日可以完成的事。如果閣下是投機達人則另作別論。
 5 
 6 槓桿操作下更會出現force sale
 7 因為經曆過2020年對疊式下跌,基本上大家都會明白當中風險,預先沽出大部本股票/債券,盈利非首要考慮,而是下跌風險,經量減低槓桿。毫無防守力低息既股更會成為重點沽貨對象,但這只是當中的第一步,之後就會向上移動(由3-4% 息 向上一層 沽 4-5% 如此類推) 呢刻可能你會想"甘沽法,唔考慮profit and loss 嗎?"  我可以講,這個時紀律先行而非盈利先行(保命啊~)

既然知道投資者大概做法甘幾時大跌?



如果按數據顯示息差轉負(即是短息高過長息)基本上未至於即時反應,反而會有幾個月至兩年時間,經濟先會出現衰退,如果我無記錯4/4 曾經出現過-0.01息差(現在 +0.18)。當然並非一出現負數我們就立刻計數 4月開始 預期6個月後衰退,是否10月就夠鐘走嗮所有股票債券。

其實無可能計算到,因為當中仍然涉及到人為因素,最大聚焦當然係俄羅斯及烏克蘭局勢及美國聯儲局加息步伐(基本而家已經心慌慌)。

然而,大家目前最需要做的正正是減低槓桿,經量留現金!!


現金流是否已經可以放棄?
我自己會繼續維持現金流打法(我覺得每個人答案都不一樣)。我自己會考慮的是
 • 當初你以現金流投資目標是什麼?
 • 自己選擇時間是朋友?
 • 我期望是capital gain / distribution?
其實呢段期間都有唔小人都會覺得息口敏感股票、債券基本上跌到無心機睇,因為相信大部分既人都係早期買入,其實相對之前已經非常不吸引。當然,有部分人都會唔捨得沽出,其實投資如果你持有期間自己心裡覺得好不舒服基本上,我個人做法真係會先行沽出,到真係到折讓到一定程度後再買入。

上述文章亦已經刊登在 StockViva

Share:

Bond Submission

  1. FollowSubscribe 啊壽的投資星球
  2. 按此觀看活動詳情
⌛債券共享資料表發佈時間
  • 本月(29/12)已經發出給主動分享者
  • 新共享表於下月(29/1)發給主動分享者

Website traffic

Market Data

Follower

Ar shou investment planet Facebook

Remote Control

Popular Topic

RECENT COMMENT

Side Ad