2021年12月4日 星期六

【Blog】港股已死!?啊壽少有推薦的港股

 


港股已死?

有日,見到Facebook post 推送以下文章,連我細佬都會問我


題目係胡孟青:放棄港股,會考慮轉型。先睇下股評人胡孟青點講:

「以往,港股不論升與跌,股評人仍有需求,有市場,皆因外界仍留意香港股市。如果市場對港股興趣變成為食之無味、棄之亦不可惜的話,看來我也要考慮轉型。近期確實對這個問題有過多次思考,香港還會有牛市嗎?」

其實,如果大家一直都有睇開青姐股評,基本上唔難睇到她膚淺的評論(但公司同事仍然會對青姐奉如神明,有時候同事都係過日辰走幾格就算,所以有餐茶錢都算唔錯)

記得以前做intern 入到一間中小型股票行實習時,當時我mentor 已經同我講,正常一個股評人都要熟讀100隻股票,當然香港股評人係無一套準則,但拒地股票行既Icon ( 股票行代言人),就自我規定要答到100隻股票。

大學時代的我當然係覺得“嘩....真係唔容易100隻股票點睇”,到自己開始投資時候,發現當你睇100隻股票,即係乜都無睇過,其實呢班股評人係“應付緊一份工,並唔係應付你”,當刻我回答到,之後就唔會理會你Profit/ Loss,更無義務攜民渡江。


嘗試睇下,青姐既分析(有Video Chapter,唔需要睇嗮),其實你可以睇到青姐分析角度同以前可以沒有任何改變,仍然講煤氣,電能;係青姐角度金融股係銀行及保險,其實今時今日,甘概括去睇市場基本上一定是去很多機會。

為爭取閱讀量的soundbite?


啊壽並不完全同意,“港股已死”說法,視乎你自己係以什麼角度去買入/持有一隻股票,如果閣下短炒,基本上青姐的說話一定講中你心底裡所想。
若然,你係以生意角度去持有,睇中的是前景,現金流的話基本上香港仍然有一定數量公司值得買入(啊壽唔敢講好多,但如果你以soundbite 聽青姐說港股已死,放棄港股,基本上頗肯定閣下一定係情緒主導)

難道香港已經沒有任何商業運作,所有上市公司都處於虧損狀態?其實香港仍然有好多根本性的問題存在,先不講大家都講到口臭的房屋問題,老人問題其實一直存在。

可以看看社會福利處安老宿位輪候時間:

上圖為2017/18年數據,若果以最新數字去計算,資助安老院舍宿位到2020年3月底只增加至 28355個,但輪候人數並沒有出現大幅度減少至36985。


當中輪候時間平均達到26個月
其實大家可以再睇Now 報道有關安老宿位新聞

可以見到香港仍然有很多問題需要解決,而且呢類問題正正與你的投資適適相關

大家可以看看下圖,嘉濤控股(2189.hk)發佈最新一份中期業績


其實見到政府短期內沒有辦法大量增加宿位,因此只能往私人市場尋找,並加大力度購買宿位,以應付大量需求。

另外,外傭短缺問題,原本聘請外傭照顧長者,但年輕一輩實在難以放心將長輩獨留在家,某部分只能靠嘉濤這類安老院代為照顧,這種行為更加速公司安老服務的收入。

從嘉濤股價走勢圖,每次公報業績後,可以見到維持到一個上升勢頭。

由此可以證明,港股已死只是一些以偏概全的說法。
重點是當新聞出現這類eye catching 的新聞,不妨自己想一下,對方過往言論,是否與事實相符,自己是否對新聞跟車太貼? 如近期股評人說保險股不好,是否真有其事?
跟風講大市個個可以,市況順,買啥升啥,個個股神,但失手你會是以下的朋友嗎?



最後,我當然都要講句,投資都係要同自己負責,帶頭盔都要講,每個市場都會有特性,並不能對方一個說法,個別股份一段時間表現就斷定一個市場既表現。

上述文章亦刊登在StockViva


 












Share:

2 則留言:

  1. 非常認同 今年港股賺得最多 回報超過100%

    回覆刪除
    回覆
    1. 其實仲有人會聽呢D廢話,我唔知道股評人是否收埋自己吃,但係我覺得有無價值唔係對方同你講,而係自己衡量仲有無價值

      刪除

謝謝支持
記得支持一下啊壽的投資星球的廣告 及
Follow 啊壽個Blog 以便收到啊壽最新訊息

Bond Submission

  1. FollowSubscribe 啊壽的投資星球
  2. 按此觀看活動詳情
⌛債券共享資料表發佈時間
  • 本月(29/12)已經發出給主動分享者
  • 新共享表於下月(29/1)發給主動分享者

Website traffic

Market Data

Follower

Ar shou investment planet Facebook

Remote Control

Popular Topic

RECENT COMMENT

Side Ad