【Blog】比財務槓桿更重要的事

上一篇文講同事選股取向

轉送門：

【Blog】慘不忍賭既投資（井）實例

https://arshouinvest.blogspot.com/2021/11/blog_8.html

今次想同大家講一下自己，其實睇到同事既情況，有時反思到自己既問題。

同事的表現，反思自己的行為

其實有時候同事係甘報價，你會不其然會望多兩眼，但其實之前你已經set好曬價錢，無論

係買入賣出準備妥當，但係有時候就係呢種心癮，將當初set定的價格，往上/往下移動，當時的我

基本上就會內心說服自己“入左先，如果之後入唔到就走寶”，將自己整個動作合法化，當呢個動

作多個20日以上，基本已經成為習慣。

自身的問題

最近整個人都好累，休息的時間固然之小，但生產力基本唔見有明顯既提升，呢個狀況基本上維

持1-2個星期，精神差之餘更影響到自己投資表現（不斷的自我調整價格，推高原本的買入價格）

而且過分集中股票市場價格移動下，忽略自身需要的工作（當然唔係講緊正職）。

啊壽這三個星期基本上都不在狀態，無意間發現有一本書正正是我當刻需要。

想同大家推薦意一本《生活槓桿》這本書，書中有幾個概念想同大家分享

生活中分神的事情太多，不要跌落分神的陷阱

我們常常在生活中追趕每分每秒，以為節省了一秒就代表到自己賺到，但係並非每一個人能夠

善用這一秒時間，更遑論懂得管理時間，啊壽轉工就是為了有更多的時間做自己喜歡的事情，

但當每一回到家打開電腦，回家路上答應自己要做得事情已經一掃而空，回到家以上網太引

誘，你好像“做緊一些事情”，但這些事情有是否你預期有做得事情？ 

當時的我竟然忽略時間同樣有價值，我忘記問自己“究竟你一小時值多少錢”。我整個行為上都表現出時間不值錢，這是在過程中並沒有為意。

集中看股價升跌基本毫無意思

這個月早放工都會多看心儀投資股票有否中自己set 定的order ,但當你不斷尋思著發掘更多資料

，看看股價走勢時，再看看時鐘，基本上已經用了一大半時間，感覺就是花了很多時間完成一

件事，而非用少時間完成更多的事，這與我轉工的中心思想背道而馳。我並沒有將時間變成“商

品”的概念，總覺得是“免費”，但此刻我深深體會到“免費”才是最貴的道理。

財務上槓桿固然之重要，但生活的槓桿更為重要

書中提及這點時候，我想起一個我曾經認識的一個人，家族有一定名望，未算係非常富豪，但

係算是比上不足比下有餘的，當然然有不同業務打理，而我遇見的這位女士，正是管理商業物業

（名就唔能夠開，但就同雪姨曾經有合作），她管理模式基本上都係集中忙於建立系統

（system building）,大約會忙大半年時間，這大半年主要物識一些管理人士，處理市場策劃，鋪

面銷售，租務及物業管理等，當整個商業管理模式設立後，就串聯整個“人流” ， 但營運一定時

間，基本上就放手讓同事處理。其餘時間則思考其他發展業務方向，認識朋友期望有新的創業idea.

放下才能獲得你想要的

這個道理基本上每一個人都會知道，但人總是會想“既希望摘到天上的星星，亦不想放棄地下的

10便士”。道理每個人都明白，但這與人性正正相反，正如我舊同事，既有正業又有副業，自從

返新工成為我同事後，基本上都已經沒有時間兼顧副業，到下年3月她就要到英國，可惜的事，

正職只能維持到她的生計，但沒有為她的副業帶來價值，無論品牌推廣，業務發展以至產品開發，時間都被正職佔據。

總結：

集中精神做自己最為重要的事，將每個工作要分成限時工序，同時懂得利用身邊的人同你分擔

工作，並且設立一個可營運的模式，無論在工作以至創業，記住騰出來的時間是給你思考休

息，理清自己思維，下一步的你想做什麼，記住時間就是你個人的“商品”。

上述文章亦刊登在 StockViva 

Read More

【Stock Introduction】 受惠於疫情的股票 - Reckitt Benckiser Group 利潔時

今日呢篇文章專門係給我家中娘親看，因為我娘親竟然掃到我個blog，因此呢篇文章都係姥姥級

事緣我啊姨一直知道我有寫blog，估唔到有send 比我娘親睇，上次睇到我組合篇文章對當中的日

常用品股票有興趣，但由於篇幅所限，因此只能講一點。

傳送門：
【Future Balance Portfolio】未來平衡組合組成及執行的感悟
https://arshouinvest.blogspot.com/2021/10/future-balance-portfolio_17.html

【Future Balance Portfolio】未來平衡組合反思後重新出發

https://arshouinvest.blogspot.com/2021/10/future-balance-portfolio.html

因此，今日會同大家講一下日常用品板塊股

可能你都會預期啊壽會提及藍月亮（6993.hk）,但其實我們可以將視線放遠點，日常用品其實都可利用自身品牌擴大收益。

今日就會同大家簡單介紹一下

Reckitt Benckiser 

好處

公司產品組合

公司旗下日常用品基本上非常有名

Reckitt，單看這個公司名可能你都未必知道公司持有什麼品牌的日常產品，但大家看看下圖，

基本上你唔認識7成都 講到一半品牌或使用過其產品

上圖你可以見到，產品組合包括：

• 滴露
• Veet
• 杜蕾斯
• 碧蓮
• Lysol
• 使立消
• 爽健
• 嘉胃斯康 等等

Reckitt 公司主要集中3大部分業務，衛生，健康及營養保健板塊，Reckitt 未專注消費品牌發展，2014年將製藥板塊分拆並成立公司Indivior 於倫敦交易所上市。

營運現金流穩定

點解啊壽會想買呢類型股票票，岔開小小話題，啊壽基本上對此類日常用品股都非常喜歡，而行業上有幾隻都係啊壽的目標，包括：

• Unilever 
• GSK

而當中GSK 亦同樣亦專注發展製藥業務下,分拆期保健業務，預計在2022年中前完成， 分拆出來的日常用品業務，反而啊壽個人會更加留意。目前 GSK 暫時都先處於觀望狀態。

高市佔率及發展空間強大

說回Reckitt , 受惠品牌效應下，產品基本上在各市場份兒都佔據頭1 ，2 名，而且不斷更新品牌組合及提升各品牌的延展性，加強產品的滲透率，畢竟滲透率在全世界中只有33% ，仍然有相當大的空間繼續發展。

舉例:

滴露由消毒水，延展至洗手液，濕紙巾及消毒洗衣液，Dettol 品牌產品佔有率

公司積極管理旗下品牌

Reckitt深知品牌效力，因此旗下品牌組合非常有名，

• 公司在2021年2月出售鞋墊品牌Scholl 于Yellow Wood Partner
  
  
• 在2021年 6月集團更出售中國奶粉業務-美贊臣給春華資本，以應付未償還債務，此前 美贊臣收購價格為166億，當時收購過高，難以實踐持續性的增長，只會保留該業務的8%。
  
  

衛生意識加強

最近，COVID擴散，各國意識到疫情下衛生的注重，單單滴露及Lysol消毒品牌的收入增長約有8.9%，中收入佔比達 20%

壞處

通脹使生產成本上漲

在最新的一份財務報表上，Reckitt 深受通脹上漲影響，來季或年銷售成本上漲8-9%，但呢一點基本上都在2020年上的Presentation 中提及有信心實現每股收益在7-9%之間，當然供應鏈問題亦考驗管理層，我們儘管看看公司能否實現？

營養保健板塊

在各國實施封城，減少社交接觸下，儘管在流感高峰期情況下，基本上市民患上流感病機會都相對小，因此健康及營養產品收入減少，當然賣走美贊臣亦影響到此部分收入，但各國傾向與病毒共存大前提下，此部分亦唔需要過分擔心。

總括：

啊壽會繼續持有/買入此股票，因為此類品牌粘性度很高，這點從營運現金流就可以看到，同時我們可以看得出，公司非常懂得包裝自己旗下產品，而且產品延展性亦十分強。可能大家會覺得當初高價收購美贊臣實現屬於錯誤，但起碼新上任的CEO Laxman Narasimhan 懂得改善前朝過錯（前為可口可樂的首席商業執行官），因此對其品牌管理，啊壽個人會有一定的期待，而且有跡象見到公司整朝著正確方向發展（減債，品牌產品重組，品牌推銷等）。

上述文章亦刊登在Stock Viva

最後

大家都知道啊壽正在籌備青年理財講座，希望大家能夠多多支持，詳情可到以下面鏈結閱讀詳情：

https://arshouinvest.blogspot.com/2021/09/blog-post.html

Read More

【Blog】慘不忍賭既投資（井）實例

原本今篇係想講未來平衡投資組合中日常用品選股，但今日同同事講股票投資，同事投資概念實在讓我"非常深刻"

其實自從美股已經到達非常普及既時候，啊壽真心以為世界所有人都已經投資外國股票，不論美股，加股，英股及歐洲股票等等，但原來世界上仍然有班港股鐵粉（開口埋口都係炒）

事緣啊壽轉了工作環境後，同事投資取向基本都非常人能夠了解（基本上常常哭股喪），但當啊壽提到自己買入的股票時候，更覺得悶到嘔。

首先，啊壽想同大家講下同事買入既股票，包括：

• 小米 （1810.hk）
• 恆大汽車 （708.hk）
• 譚仔（2217.hk）
• 平安好醫生（1833.hk）
  
  初時我以為去到呢度已經完畢，點知仲有（我真係太年輕）原來同事仲有“專業推介”
  
  
• 第一位：快手（1024.hk）
  
• 第二位：中國人壽（2628.hk）
• 第三位：中國生物製藥（1177.hk）

啊壽忍唔住問同事，其實你投資目標係？ 

同事：當然係為賺錢

啊壽：你好了解公司？

同事：我見電視D人都係講緊呢D，其實我miss 左快手同中國人壽呢D好股

啊壽：..........

同事：甘你買咩

啊壽：我當時疫情第二，三波是買領展，同中信電訊，同埋........(其實我都未講完）

同事：嗯~都好悶下，我都唔見點升

啊壽：係啊，基本上個我都係收下息，香港可以買既都唔多

同事：唉，我隻平安好醫生都損手近十萬，你覺得入恆大追翻好唔好

啊壽：都~~小睇，唔識講

（以上對話均為真實）

我基本上嘔左幾兩血，同埋買賣股票都係用銀行（咩年代），當然啊壽都有嘗試說服同事（你睇到呢度都以為係啊嬸上曬年紀，但上述對話都係 25-30既年輕人，OMG）。

啊壽苦口婆心說“其實都可以嘗試買下外國，基本上無論品牌，覆蓋度都比起國內好，起碼唔會有一個行業突然消失，同埋而家開戶都唔需要到現場開戶” 正當啊壽想比條 Referral link 比同事時候，同事就話“我都睇唔明，所以我放棄左”

我：...............喔........

啊壽就抱著一絲希望同同事講

嘗試現金流打法
其實你不斷炒，一損手就無曬心機，加上你又唔係有時間time to market 不如你轉另一個打法，

你有無睇書？ 《現金流為王》 個concept 係幾好，每次“回血” 又可以再買貨，又唔需要下下抬錢入場，甘樣唔係仲好咩？

以生意角度買入股票

同埋你買股思路會唔會嘗試用另一個角度，你當你係創業家，假設你想開一家老人院，研究一翻後你發覺門檻/你手上資源未足夠你開業，此時，你先睇下市場有無“現成生意”比你選擇，你咪可以無需怕miss 左你喜歡股票，因為你已經有進行過深入研究。

正當以為對方接受概念時....

同事：你講個D好悶，我都係中意D刺激有得炒。

啊壽（按捺自己情緒）：都係既，每個人都有唔同既投資想法，可能你往績唔錯，都可以炒大D先。

最後，我都忍唔住講，你投資既方法真係好似我以前~~ （講就講曬，希望同事會開竅）

最後

大家都知道啊壽正在籌備青年理財講座，希望大家能夠多多支持，詳情可到以下面鏈結閱讀詳情：

https://arshouinvest.blogspot.com/2021/09/blog-post.html

Read More

【Blog】啊壽背棄置固定收益？開始投資加密貨幣？！

 

其實係主題都已經開宗明義說明啊壽開始嘗試投資加密貨幣

我對加密貨幣仍然在認識階段，寫這篇文章純粹想分享一下我為何有轉變思想，當中過程如何演化由完全拒絕到開始接受。

首先，我想再一次聲明一件基本上啊壽一開始“絕對並不認同加密貨幣的價值”，因為這類投資基本上並不與股票，住宅，車位，商鋪一樣。

股票-

上市公司為你帶來價值，你會相信公司可以利用“品牌”，“技術”， “壟斷” 低位等等，為你的投資帶來價值上的增長，你期望公司管理層領導下，你的投資可以Free Ride on 上市公司帶來的利益。因此，絕大部分人都會投資在股票上，因為你覺得可接觸到，相對容易理解。

如你持有 領展（823.hk）,期望可以分享到有資素的管理層為閣下的投資帶來收益。

住宅-

當然係顯而易見的剛性需求，你見138呎的上水新盤都可以超額認購，可想而知大家對樓的需求何其渴望，之前去過屯門的箐雋睇樓都以為165呎，應該唔會所有單位賣出。

實地睇過樓單位實在非常小，當日業主經紀+我們兩個人已經非常逼，原業主同帶樓位經紀講，希望盡快賣出，買入太子唐樓，言談間聽得出有後悔買入，未過3年就想賣樓。

出門口之時，經紀更大大力sell "基本上賣一間小一間，非常罕有，要盡快決定"，我當然理解係因為可以食兩單佣金，我好奇一問以為有好多吉單位，但我實在係太年輕，經紀說“基本上全數賣出”，翻查一下呎價到達 $19xxx一尺，重要係有價有市場。

車位，商鋪-

基本上，大家有睇過李根興，鄧成波細仔買鋪賣鋪，基本上拒地商鋪供應非常小，若果係黃金地段更加非常值錢，在物以罕為貴的情況下，更加推升到商鋪價格上升。

此類情況同樣出現在車位上，之前在投資班上認識了一位大叔，他只是在中午吃飯時候看到車位出售，但是車位都只是30-40萬左右買入，但他自己都意料之外，今時今日，竟然到達150萬一個車位。

 

Read More